অংকুৰিতা
ফুকন
সিকি
এটা মুঠিত লৈ
মই পৰিভ্ৰমণ কৰিছোঁ বৈয়ামৰ ব্ৰহ্মাণ্ড
সৌৰজগতৰ
যিকোনো দৃশ্যমান জ্যোতিষ্কৰ দৰে দোকানৰ
‘গেৰেলা’ বৈয়ামকেইটাও মোৰ চকুত জিলিকি আছে
একো একোটা নক্ষত্ৰৰ দৰে
সিকিটোৰে
এটা টেঙা মৰ্টন কিনিম
কাণসমনীয়া হৰেনৰ চকুৰ আঁৰ হৈ
মুঠিত গুঁজি দিম…
মোৰ খোজত আজি
বয়ঃসন্ধি প্ৰেমৰ উদ্যম…
সপোন সুন্দৰী
সুৰৰ মুঠিত মৰ্টনটো গুঁজি দি
‘গেৰেলা’
বৈয়ামকেইটাৰ দৰে
আইৰ চকু দুটাও ওফন্দি আছে …
মই পৰিভ্ৰমণ কৰিছোঁ বৈয়ামৰ ব্ৰহ্মাণ্ড
‘গেৰেলা’ বৈয়ামকেইটাও মোৰ চকুত জিলিকি আছে
একো একোটা নক্ষত্ৰৰ দৰে
কাণসমনীয়া হৰেনৰ চকুৰ আঁৰ হৈ
মুঠিত গুঁজি দিম…
আইৰ চকু দুটাও ওফন্দি আছে …
শ্ৰব্য ৰূপ
