ৰুটি

 বিনিময় দাস

মানুহজনে সদায় নিজৰ ব্ৰে‍‍‍কফাষ্টৰ পৰা অলপ ৰুটি

বেলকনিয়েদি ফুটপাথত পেলাই দিয়ে –  

ৰাস্তা‍‍‍ৰ কুকুৰ আৰু চৰাইবোৰে খাবলৈ ৷

মানুহজনে খোৱাখিনি দি আৰু ৰৈ নাথাকে –  

ব্যস্ত হৈ পৰে নিজৰ কামত যাবলৈ ৷

মই আজি সেইফালেই গৈছিলোঁ,

চৰাই বা কুকুৰ, আজি এটাৰো দেখা-সাক্ষাৎ নাই ৷

শূন্যস্থা‍‍‍ন পুৰ কৰিছে

আঠ/ন বছৰীয়া এটা নাঙঠ ল’ৰাই -

ফুটপাথত বহি বহি আপোনমনে চুবাই আছে এটুকুৰা ৰুটি ৷

 

ভ্ৰাম্যভাষ : ৯৪৩৫৫৩৭৫৯১